Settu innheimtuna í traustar hendur

Debitum.Gjaldskil er innheimtufyrirtæki sem býður heildstæðar lausnir í innheimtu krafna allt frá fruminnheimtu til löginnheimtu.

Fruminnheimta.

Debitum.Gjaldskil býður viðskiptavinum sínum heildstæða lausn á sviðið innheimtu, allt frá því að krafa er stofnuð og þar til hún er greidd. Debitum.Gjaldskil tekur við reikningum rafrænt og getur stofnað kröfur ef þess er óskað, auk þess að sjá um innheimtu allt frá stofnun kröfunnar yfir í löginnheimtu.

Kröfuhafar hafa aðgang að yfirliti um þeirra kröfur í kerfi Debitum.Gjaldskil og geta fylgst með framvindu þeirra. Markmið Debitum.Gjaldskil er að auðvelda fyrirtækjum að halda utan um og stjórna meðferð sinna krafna ásamt því að tryggja öruggara sjóðsstreymi og umfram allt að tryggja góð samskipti milli kröfuhafa og greiðenda.

Milliinnheimta.

Debitum.Gjaldskil leggur ríka áherslu á að gera samskipti milli kröfuhafa og greiðenda hnökralaus. Persónuleg þjónusta Debitum.Gjaldskil býður kröfuhöfum uppá ýmis úrræði ef krafa er ekki greidd á tilsettum tíma. Kröfuhafar geta óskað eftir sendingu innheimtubréfa auk símtala til að fylgja eftir kröfum og ganga á eftir greiðslu frá greiðanda.

Á þessu stigi er mikilvægt að viðhalda góðu sambandi milli kröfuhafa og greiðenda, því margþættar ástæður geta legið á baki þess að greiðandi hefur ekki innt greiðslu af hendi fyrir eindaga. Debitum.Gjaldskil er því til taks fyrir bæði kröfuhafa og greiðendur.

Löginnheimta.

Ef milliinnheimta Debitum.Gjaldskil ber ekki árangur þá býðst kröfuhöfum fagleg ráðgjöf um næstu skref. Löginnheimta er í eðli sínu íþyngjandi fyrir greiðendur enda öllum tiltækum úrræðum íslenska réttarkerfisins beitt. Því leggur Debitum.Gjaldskil áherslu á faglega ráðgjöf og gott upplýsingaflæði til kröfuhafa um næstu skref.

Aðgerðir í löginnheimtu geta meðal annars verið stefnubirting, greiðsluáskorun og dómsmeðferð. Ferli lögfræðiinnheimtu endar oftast með eingreiðslu skuldar eða samningi um greiðslu skuldar. Í sumum tilfellum nást ekki samningar og þá getur ferlið endað með fjárnámi, nauðungarsölu og gjaldþroti.

Gjaldskrá.

Gjaldskrá Debitum.Gjaldskil er í samræmi við reglugerð 37/2009 um hámarksfjárhæð innheimtukostnaðar og síðari breytingum 133/2010.

Debitum

Gjaldskrá vegna frum- og milliinnheimtu.

Gjaldskil

Gjaldskrá vegna löginnheimtu. 

Mannauður.

Hjá Debitum.Gjaldskil starfar samhentur hópur fólks sem hefur mikla reynslu og þekkingu á sviði innheimtu.

Við erum fagleg

  • Við veljum fólk í starfið en ekki starf fyrir fólkið, þannig fer saman geta og þekking við kröfur starfsins.
  • Faglega og vel er tekið á móti nýju starfsfólki.
  • Þegar starfsmaður hættir þá samfögnum við næsta áfanga í lífi viðkomandi einstaklings.

Árangur

  • Deilum þekkingu og upplýsingum þar sem á við.
  • Hjálpum hvort öðru að ná árangri og hrósum þegar vel gengur.
  • Sá sem hjálpar öðrum að ná árangri er mikilvægasti starfsmaðurinn.
  • Tileinkum okkur markmiðasetningu.

Alltaf góð mannleg þjónusta

  • Við erum mannleg og skiljum að okkar viðskiptavinir geta verið í erfiðleikum, berum virðingu fyrir erfiðleikum annarra og gerum okkar besta til að aðstoða eins og hægt er.
  • Sýnum traust og faglegt viðmót í öllum samskiptum. Við gætum alltaf þagmælsku og viðhöldum trúnaði.

Samskiptasamningur

  • Við gerum með okkur samning um samskipti og lofum að samskipti starfsmanna við hvert annað og við okkar viðskiptavini séu byggð á kurteisi og virðingu.
  • Jafnvægi milli vinnu og einkalífs er mikilvægt. Það er heimur fyrir utan starfstaðinn og ef ekki er tekið tillit til hans mun starfsmaðurinn ekki blómstra í vinnunni.
  • Verum heilbrigð og hreyfum okkur, við hvetjum til þess í verki.
  • Einelti, kynferðisleg áreitni og óæskileg samskipti á samfélagsmiðlum eru ekki liðin.

Þróun

  • Tökum ábyrgð og klárum verkefnið þó við í fyrstu skiljum það ekki. Það að leysa verkefni sem í byrjun var óskiljanlegt er hluti af þinni þróun.
  • Leitum að tækifærum til að bæta við okkur þekkingu og þannig geta tekið við auknum ábyrgðum.
  • Höldum áfram að læra og þróast.

Forysta

  • Stjórnendur deila upplýsingum og þekkingu meðal starfsmanna.
  • Stjórnendur eru með skýra framtíðarsýn.
  • Stjórnendur ganga fram með góðu fordæmi.

Jafnrétti

  • Það skiptir ekki máli hvaða kyn, litarhátt eða þjóðerni um ræðir, við erum öll jafnir einstaklingar og eigum jafna virðingu skilið.


Hafðu samband.

415 5990

Borgartún 26

105 Reykjavík

Mánudaga – Fimmtudaga:

09:00 – 12:00 og 13:00 – 16:00

Föstudaga:

09:00 – 12:00 og 13:00 – 15:00